Засгийн газар Туулай жилийн отгон хуралдаанаараа 6 хувийн хүүтэй зээл авч орон сууцтай болох гэсэн иргэдийн хүлээлт бодит ажил хэрэг болох асуудлыг шийдлээ.

Энэ хүрээнд иргэдийг жилийн 6 хувийн хүүтэй орон сууцны хөнгөлөлттэй зээлд хамруулахад шаардагдах хөрөнгийг бүрдүүлэхийн тулд Хөгжлийн банкны 200 хүртэл тэрбум төгрөгийн үнэт цаас гаргахаар Засгийн газар шийдвэрлэсэн. Мөн үнэт цаасны үндсэн болон хүүгийн төлбөрт Засгийн газрын баталгаа гаргахыг Сангийн сайдад зөвшөөрөөд байгаа.
Хөгжлийн банкнаас гаргах үнэт цаасны эх үүсвэр орж ирэх хүртэл хугацаанд арилжааны банкууд өөрийн хөрөнгөөр иргэдэд орон сууцны хөнгөлөлттэй зээл олгох юм. Энэ ажлын үргэлжлэл болох бага, дунд орлоготой иргэдэд жилийн 6 хувийн хүүтэй, 20 жилийн хугацаатай хөнгөлөлттэй зээл олгох тухай асуудлыг зохицуулсан журмыг Сангийн сайд Д.Хаянхярваа, Зам, тээвэр, барилга, хот байгуулалтын сайд Ц.Дашдорж, Нийслэлийн Засаг дарга бөгөөд Улаанбаатар хотын захирагч Г.Мөнхбаяр нар баталлаа. Энэ тухай баримт бичигт гарын үсэг зурах ажиллагаа 2012 оны 02 дугаар сарын 21 буюу Цагаан сарын битүүний өдөр Төрийн ордонд болсон байна.

Батлагдсан журмаар иргэд 6 хувийн хөнгөлөлттэй зээлд хамрагдах хүсэлтээ Орон сууцны санхүүжилтийн корпорацид гаргах ёстой. 50 сая төгрөгийн зээл авахын тулд тухайн зээлдэгч орон сууцны үнийн дүнгийн 10 хувийг урьдчилан төлөх чадвартай байхаас гадна “Хүний хөгжил сан”-гаас иргэдэд хишиг, хувиа бэлэн бусаар урьдчилгаа төлбөрт ашиглаж болохыг журманд тусгаад байна. Энэ журам нийслэл Улаанбаатар хот, хөдөө орон нутагт нэг зэрэг хүчин төгөлдөр үйлчилнэ. Гэхдээ худалдан авах орон сууц нь “100 мянган айлын орон сууц” хөтөлбөрт хамрагдсан байх ёстой юм. Тухайн иргэн, өрх зээл авахдаа орон сууцаа барьцаалж тавьж болох бөгөөд зээлээ урьдчилан төлөх эрхтэй болжээ.

“Иргэдийг орон сууцны хөнгөлөлттэй зээлд хамруулах харилцааг зохицуулах журам”-д тухайн зээлдэгч анх удаа орон сууц авахаар хүсэлт гаргасан, сард төлөх зээл, хүүгийн нийт төлбөр нь тухайн өрхийн 3 сарын дундаж цэвэр орлогын 45 хувиас хэтрэхгүй, банк, санхүүгийн байгууллагад хугацаа хэтэрсэн зээлийн өргүй байх ёстойг ч заасан байна. Иргэдэд жилийн 6 хувийн хүүтэй, 20 жилийн хугацаатай зээлийг 4 дүгээр сарын эхэн гэхэд өгч эхлэх боломжтой гэж Сангийн яам, Зам, тээвэр, барилга, хот байгуулалтын яам, хотын захиргаа үзэж байна.

Түүнчлэн “100 мянган айлын орон сууц” хөтөлбөрийн хүрээнд иргэдийн хүсэн хүлээж байсан жилийн 6 хувийн хүүтэй орон сууцны зээлийн асуудал шийдэгдэж, иргэдээ санхүүгийн хүндрэл багатайгаар орон сууцтай болгох зорилт хөдөлгөөнд орж, бодит ажил хэрэг болж байгааг ч Монгол Улсын Ерөнхий сайд С.Батболд Засгийн газрын хуралдааны үеэр онцлон тэмдэглэж байсан юм.  “100 мянган айлын орон сууц” хөтөлбөрийн хүрээнд нийслэл Улаанбаатар хотод 75 мянга, хөдөө орон нутагт 25 мянган айлын орон сууцыг зэрэг барина.  

Энэ дагуу нийслэлд Яармаг, 100 айл, МҮОНРТ, 13 дугаар хороолол зэрэг газарт орон сууц барих бөгөөд дэд бүтцэд шаардагдах санхүүжилтийг төр хариуцаж байгаа юм. Түүнчлэн гэр хорооллуудыг нүүлгэн шилжүүлж орон сууц барьж байна. Ингэснээр орон сууцны өртөг буурна гэж Засгийн газар тооцоолжээ. Одоогийн байдлаар “100 мянган айлын орон сууц” хөтөлбөрт 159 мянган орон сууцыг хамруулах хүсэлт ирснээс Засгийн газар 79, 486 айлын орон сууцыг хөтөлбөрт хамруулаад байна. “100 мянган айлын орон сууц” хөтөлбөрт хамрагдсан нийт орон сууцны 28,300 нь 18 сарын дотор ашиглалтад орох бөгөөд 6,341 нь 50 м/кв талбайтай байна.

Өмнө нь бага орлоготой, анх удаа орон сууц авах хүсэлтэй иргэдийг 50 м/кв хүртэл талбай бүхий орон сууцтай болгохоор төлөвлөж байсан ч Засгийн газрын 2012 оны 02 дугаар сарын 20-ны өдрийн хуралдаанаар энэ хэмжээг 55 м/кв болгон нэмэгдүүлсэн. Ингэснээр иргэд 9,017 айлын орон сууц худалдаж авах боломжтой болсны зэрэгцээ анх удаа орон сууц авч байгаа 1-18 хүртэлх насны 1-4 ам бүлтэй өрхийг эхний ээлжинд орон сууцтай болгох бололцоо бүрдээд байна.  Засгийн газар “100 мянган айлын орон сууц” хөтөлбөрийг 2016 он гэхэд бүрэн хэрэгжүүлж дуусгахыг зорьж байна гэж Засгийн газрын Хэвлэл, мэдээллийн албанаас мэдээллээ.

• 

  Oyunaa

  2012-02-23 23:15
  Барилгын компаний хохирогчид. Би хэдэн хоногийн өмнө Шүүхий шийдвэр гүйцэтгэх газар албан хаагчиддаа байр 1 метрквадратыг 500 мянган төгрөгөөр өгч байгааг зурагтаар харсан чинь энэ Монгол төрийн гайхалтай ажиллаж байгааг бишрэмүй. Хотын хүмүүс хотдоо одоо орон сууцны 1 метрквадратыг 1 сая 400 мянганаас 2 сая 800 мянган төгрөгөөр худалдаж авч байна..... монголчууд баяжсан юм харагдаж байгаа байхдаа. Нөгөө хямд орон сууц гэсэн хаана байна. Улс төрчид улсыг удирдуулмаар байна. Миний бие орон сууцтай болох хүсэл дүүрэн2007 онд ЭКО КОНСТРАКШН компанид 43 метрквадраттай 2 өрөө байр оффицооруудын ордны зүүн талын байранд 1метрквадратыг 390мянган төгрөгөөр тухайн үед хамгийн үнэтэй баталгаатай газар гэж байгаа бүх мөнгөөрөө захиалга өгч байртай болно гэж хүлээж байлаа. Тэр үед байр үнэ орж байна гэхэд сэтгэл амар явж байлаа. Гэтэл нэг жилийн дараа нэгэн сайхан өглөө ЭКО КОНСТРАКШН-аас утасаар дуудаад ирж гэрээ цуцал гэхээр ньочитол байр баригдахгүй болсон гэж тэр үед их олон хөгшин залуу гэр бүлүүдийг мөрөөдөл хүслийг нь унтраасан их муухай нэг ёсондоо хүний амьдралаар тоглосон юм шиг зүйл болж байлаа. Тэнд байсан бүх хүмүүс нэгэн том уй гашуу болсон юм шиг уйлцгааж байсныг санаж байна. Гэтэл бүх хүмүүсийн шинэ байрны гэрээг нь нулимс, нустай нь хамт цуцалсан нөгөө Монголын шилдэг, нийслэлийн тэргүүний гэсэн тодотголтой ЭКО КОНСТРАКШН маань дахин үнээ нэмээд захиалга авч эхэлсэн. Би сонсоод л өөрийн биеэр очиж яагаад гэж асуутал тэдний гэрээ хариуцсан менежер энэбол манай байгууллагыг өөд татдаг бизнессийн шийдэл гэж далд байдлаар тайлбарлаж байсан.ЭКО КОНСТРАКШН компани бол мөнгө олох шилдэг арга зөвхөн Монгол Улсад л мөрддөг дүрэм журам байдгийг тунхагласан шинжлэх ухаанаар бол практик жишээ болж байлаа.Харин одоо захиалсан байрын дахин үнэ нэмдэг, гэрээ цуцалдаг дүрэм журмыг бүх барилгын компаниуд мөрдлөгө болгосон байгааг харахад нээрээ л ЭКО КОНСТРАКШН шилдгийг шилдэг нь харагдаж байна. ЭКО КОНСТРАКШН манай улсын шилдэг нэр хүндтэй хүмүүсээр нүүрээ хийж байгаа нь сайхан харагдаж байна. Гол нь энэ рекламанд тоглож байгаа Монгол Улсын Супер одууд ямар ЛУУВИРЧИН КОМПАНИ-ийг сурталчилж байгаа мэдээд ингэж байгаа нь харамсалтай, уухай уухай уухай. Манай улс хөгжиж байгаа болохоор “хулгай хэзээ ч хуучирдаггүй” гэдэг шиг увайгуу ухаантануудыг нэг л өдөр чин шудрага хууль шүүнэ гэдэгт итгэл дүүрэн байна. Засгийн газарт бүхэл бүтэн барилга хот байгуулалтын яам гэж байхад барилгын компаниуд болон ченжүүд орон сууцны үнийг хүссэнээрээ буулгаж, нэмж байх гэж дээ. Яг энэ барилга хот байгуулалтын яамны удирдлага юу хийж байгаа гэж цалин авч байгаа болоо, орон сууцны талаар ямарч ойлголт байхгүй, тэд зөвхөн албан тушаалаа айлгах л дуртай. Би барилга хот байгуулалтын яаманд ажилдаг байсан бол одоо дор хаяж 3 ширхэг байртай ба жаахан орон сууцны ченжийн тоог 1-р нэмэх байсан байхдаа. Үнэхээр жаргалтай ажил байсан байна шүү. Нефийн компаниудыг хянадаг шигээ барилгын компаниудыг хянаж энэ олон өрхийг орон сууцтай болгож ИХ Хотын сайхан сүрчигнээсээ салгах ухаан дутаад байгааг энгийн ард би сэтгээд та бүхэн зөвлөж байгаа тун их сэтгэл хангалуун байна. АНХААРАЛ ТАВЬСАНД БАЯРЛАЛАА, Батболд Сайдаа гэж.